Ən son xəbərləri bizim "Facebook" səhifəmizdə izləyin

"Netflix"in ulduzunun idman zalında ürəyi dayandı
Alman bodibilder və "Netflix"də yayımlanan "Dogs of Berlin" serialının ulduzu Vittorio Pirbazari 44 yaşında vəfat edib.
Oxu.Az xəbər verir ki, bu barədə rejissor və sənətçinin dostu Səid İbrahim "Instagram" hesabında məlumat verib.
İbrahimin sözlərinə görə, Pirbazari idman zalında qaçış zolağında məşq edərkən ürəyi dayanıb.
"Vitonu tanıyan bir çoxunuz altı fut və iki düym (188 sm) boyunda, çox əzələli və təhlükəli bir oğlan kimi görür. Amma sizə deyə bilərəm ki, Vito on yaşlı uşaq kimi mehriban ürəyə sahib idi", - deyə rejissor qeyd edib.
Xatırladaq ki, 2025-ci ilin yanvarında məşq zamanı Pirbazarinin əzələsi cırılmış və o, əməliyyat olunmuşdu. Daha sonra aktyor avtomobil qəzasına düşüb, nəticədə onun onurğa sütunu sınıb və hər iki ayağından əməliyyat olunub. Martın 23-də aktyor qayıdacağını açıqlamışdı.
Qeyd edək ki, Vito Pirbazari "YouTube"da məşhur fitnes-bloqer olub.