Röya: Sevgilimə əsəbiləşməsəm həyat maraqsız olar

Müğənni Röya Ayxan “Xəzər” televiziyasında yayımlanan “Hər şey daxil” verilişinin qonağı olub.

Oxu.Az Qafqazinfo-ya istinadla xəbər verir ki, kişilərdən bəhs edən müğənni sevdiyi şəxsdən danışıb:

“İndiki zəmanədə, nəinki, kişilərə heç bizə də etibar yoxdur. Kişilərsiz həyat təsəvvür edilməzdi. Səhər durub qardaşlarıma, dərmanlarını içməyən atama, Hüseynə və sevgilimə əsəbiləşməsəm, həyat maraqsız olar. Kişilər həyatımızda böyük rol oynayır. İşlədiyim şəxslər də kişilərdir. Qadınlar məndən çəkinir. Xasiyyətim çətindir. Günah onda da, məndə də olsa, sevgilim ilə barışmağı bacarmıram, öz ayağı üzərində dayanan qadınları sevirəm. İnsan sevirsə, onsuz da sonda birləşir. Qadınla barışmaq kişinin işidir. Münasibətimə nöqtə qoysam, ölsəm də, sevgilimə mesaj yazmaram”.

www.oxu.az