"DreamWorks Animation" studiyası məşhur yaşıl nəhəngin macəralarından bəhs edən "Şrek 5" cizgi filminin ilk tizer-treylerini təqdim edib.
Oxu.Az xəbər verir ki, bu barədə "Çempionat" nəşri məlumat yayıb.
Yayımlanan ilk kadrlardan görünür ki, Şrek, Eşşək, Fiona və onların övladlarını bu dəfə də maraqlı və çətin macəralar gözləyir. Filmin süjeti ilə bağlı ətraflı məlumat isə hələlik açıqlanmayıb.
Yeni ekran əsərində əsas personajları yenidən Mayk Myers (Şrek), Eddi Mörfi (Eşşək) və Kemeron Dias (Fiona) səsləndirəcəklər.
Baş qəhrəmanların qızı Felisiyanın səsini isə Zendaya canlandıracaq.
Qeyd edək ki, filmin əvvəlcə 2026-cı ilin iyulunda nümayişə çıxarılması planlaşdırılırdı. Daha sonra premyera tarixi 23 dekabr 2026-cı ilə dəyişdirilsə də, son qərara əsasən "Şrek 5" 2027-ci ilin yayında kinoteatrlarda nümayiş olunacaq.
