Türkiyədə narkotiklərlə mübarizə çərçivəsində aparılan əməliyyatda saxlanılan tanınmış televiziya aparıcısı Ela Rümeysa Cebecinin telefonundan özünün qadağan edilmiş maddə istifadə etdiyinə dair video aşkar edilib.
Oxu.Az bu barədə "Sabah" qəzetinə istinadən xəbər verir.
Məlumata görə, Cebeci işlədiyi "HaberTürk" telekanalının binasında THC (tetrahidrokannabinol) maddəsini qəbul edərək bunu videoya çəkib və görüntüləri məşhur komediya ustası Cem Yılmaza göndərib.
Cem Yılmaz isə öz növbəsində göndərilən videoya "mən bu işləri 1988-ci ildə tərgitmişəm" deyə cavab verib.
Xatırladaq ki, Cebeci İstanbul Prokurorluğunun apardığı təhqiqat çərçivəsində digər televiziya aparıcıları Meltem Acet və Hande Sarıoğlu ilə birlikdə dekabrın 5-də saxlanılıb.
Saxlanılan zamanı Cebecinin əşyaları müsadirə edilərək tədqiq edilib. O, dekabrın 6-da sərbəst buraxılıb.
Habertürk'ün eski spikeri Ela Rümeysa Cebeci'nin telefonunda yapılan incelemeler sonucu şok edici detaylar ortaya çıktı.
— Türk Dünyasından Haber (@turkdunyasih) December 14, 2025
Cebeci'nin kanal binasında yasaklı madde olan THC (Tetrahidrokannabinol) kullanırken kendisini videoya kaydettiği ve bu görüntüleri ünlü komedyen Cem Yılmaz'a… pic.twitter.com/GpwlukdXlf
