"Vəhşi Roza" və "Varlılar da ağlayır" serialının aktrisası vəfat etdi

Meksikalı aktrisa Aurora Klavel 88 yaşında vəfat edib

Bu barədə Oxu.Az "El Imparcial" nəşrinə istinadla xəbər verir.

"Aurora uşaq dünyaya gətirməyib, amma onun qardaşları və bacıları olub. Həyatının son illərində bacısı İolanda ona qulluq edib", - deyə məlumatda qeyd olunur.

Aktrisa 1936-cı il avqustun 14-də Meksikanın Pinotepa Nasional şəhərində anadan olub.

1979-cu ildə "Varlılar da ağlayır" serialında ana Çole Qonsales rolu ilə Klavelə dünya şöhrəti qazandırılıb. Aktrisa səkkiz il sonra, 1987-ci ildə "Vəhşi Roza" serialında Ernesto Roxasın anası obrazı ilə çıxış edib.