40 mindən çox məmur Trampın təklifi ilə RAZILAŞDI: İşdən çıxırlar

ABŞ-nin 40 mindən çox dövlət qulluqçusu səkkiz ayın maaşının ödənilməsi qarşılığında könüllü işdən çıxmağa razılaşıb.

Oxu.Az xəbər verir ki, bu barədə "The Wall Street Journal" qəzeti məlumat yayıb.

Ağ Ev bu sövdələşməni yanvarın sonunda təklif etmişdi. Donald Tramp Administrasiyası ümid edirdi ki, dövlət qulluqçularının 5-10 faizi bu şərtlər əsasında işdən çıxmaq qərarını qəbul edəcək, bu da hər il təqribən 100 milyard dollar qənaət etməyə imkan verəcək.

Könüllü işdən çıxmaq üçün fevralın 6-dək müraciət etmək olar.

Xatırladaq ki, D.Tramp seçkiqabağı kampaniya zamanı ABŞ-nin bürokratik aparatını yenidən təşkil etmək vədi vermişdi.