Ən son xəbərləri bizim "WhatsApp" kanalımızda izləyin

Azərbaycanda nəqliyyatla bağlı yeni yaradılan holdinqin nizamnaməsi təsdiqləndi
Prezident İlham Əliyev "Azərbaycan Nəqliyyat və Kommunikasiya Holdinqi (AZCON)" publik hüquqi şəxsin Nizamnaməsinin təsdiqi və bununla əlaqədar bəzi məsələlərin tənzimlənməsi haqqında Fərman imzalayıb.
Oxu.Az President.az-a istinadən xəbər verir ki, fərmanla Azərbaycan Respublikası Prezidentinin 2024-cü il 7 noyabr tarixli 226 nömrəli Fərmanı ilə təsdiq edilmiş "Azərbaycan Nəqliyyat və Kommunikasiya Holdinqi (AZCON)" publik hüquqi şəxsin idarəetməsinə veriləcək dövlət müəssisələrinin, habelə dövlət payı olan təsərrüfat cəmiyyətlərinin və publik hüquqi şəxslərin siyahısı"nda nəzərdə tutulan dövlət müəssisələri Azərbaycan Nəqliyyat və Kommunikasiya Holdinqinin (AZCON-un) strukturuna daxil edilir.
"Dövlət əmlakının qorunub-saxlanılması və səmərəli istifadə edilməsinin təkmilləşdirilməsi haqqında" Azərbaycan Respublikası Prezidentinin 2007-ci il 6 iyun tarixli 586 nömrəli Fərmanına (Azərbaycan Respublikasının Qanunvericilik Toplusu, 2007, № 6, maddə 599 (Cild I) aşağıdakı məzmunda 8-2-ci hissə əlavə edilir:
"8-2. Bu Fərmanın müddəaları Azərbaycan Nəqliyyat və Kommunikasiya Holdinqinin (AZCON-un) öz əmlakına və onun idarəetməsinə verilmiş dövlət müəssisələrinə, habelə dövlət payı olan təsərrüfat cəmiyyətlərinə və publik hüquqi şəxslərə münasibətdə Azərbaycan Nəqliyyat və Kommunikasiya Holdinqinə (AZCON-a) tətbiq edilmir.".
Fərmandan irəli gələn məsələlərin həlli Azərbaycan Respublikasının Nazirlər Kabineti və Azərbaycan Respublikasının Rəqəmsal İnkişaf və Nəqliyyat Nazirliyinə həvalə olunub.
"Azərbaycan Nəqliyyat və Kommunikasiya Holdinqi (AZCON)" publik hüquqi şəxsin NİZAMNAMƏSİ ilə bu linkdən tanış olmaq mümkündür.
"İlham Əliyev" teqi üzrə xəbərlər
- İlham Əliyev Rüfət Mahmuda yüksək vəzifə verdi
- Prezident dövlət xidmətinin bəzi əməkdaşlarını təltif etdi
- Samir Şərifov dörd ölkə ilə iqtisadi əlaqələri tənzimləyəcək
- Maqsud İbrahimbəyovun 90 illiyi qeyd olunacaq
- Çinlə enerji əlaqələrinin inkişafı Azərbaycanın Cənubi Qafqaz və Xəzər regionunda rolunu gücləndirir