Azərbaycanın Baş prokuroru Türkiyə Prezidentinə tarixi rəsm əsəri təqdim edib - YENİLƏNİB + FOTO

Azərbaycanın Baş prokuroru Kamran Əliyevin rəhbərlik etdiyi nümayəndə heyətinin Ankaraya işgüzar səfəri başa çatıb.

Nümayəndə heyəti Türk Dövlətləri Təşkilatına (TDT) üzv dövlətlərin Baş Prokurorları Şurasının 2-ci iclasında iştirak etmək məqsədilə Ankara şəhərinə işgüzar səfərdə olub.

Səfər zamanı nümayəndə heyəti tərəfindən Ankarada xalqımızın ümummilli lideri Heydər Əliyevin adını daşıyan park ziyarət edilib, abidəsi önünə əklil qoyularaq əziz xatirəsi ehtiramla yad olunub.

Baş prokuror TDT Ağsaqqallar Şurasının sədri Binəli Yıldırımla görüşüb. Yıldırım ölkəmizin ərazi bütövlüyünün bərpa olunması münasibətilə təbriklərini çatdırıb, hər iki ölkənin liderlərinin rəhbərliyi altında ölkələrimiz və xalqlarımız arasında əlaqələrin ən yüksək səviyyədə olduğunu bildirib.

Kamran Əliyev Müzəffər Ali Baş Komandan cənab İlham Əliyevin rəhbərliyi altında 44 günlük Vətən müharibəsi və ondan sonrakı proseslərdə Türkiyə dövlətinin və xalqının siyasi və mənəvi dəstəyinə görə təşəkkürünü ifadə edib. 2021-ci ildə Bakıda təsis olunmuş TDT-nin Baş Prokurorlar Şurasının hüquqi əməkdaşlığımızın genişləndirilməsi üçün səmərəli platforma olduğu vurğulanıb.

Baş prokuror Türkiyənin ədliyyə naziri, Hakimlər və Prokurorlar Şurasının sədri Yılmaz Tunçla görüşüb. Kamran Əliyev həmkarını bu ilin iyun ayında vəzifəyə təyin olunması münasibətilə təbrik edib, fəaliyyətində uğurlar diləyib. Görüşdə hüquqi əməkdaşlıq, o cümlədən istintaq sorğularının icrası və cinayət törətmiş şəxslərin verilməsi məsələləri müzakirə edilib.

Görüşlərdə ölkəmizin Türkiyədəki fövqəladə və səlahiyyətli səfiri Rəşad Məmmədov iştirak edib.

Türkiyənin Baş prokuroru Bəkir Şahinlə keçirilmiş görüşdə ənənəvi dostluq və əməkdaşlıq əlaqələrinin bundan sonra da inkişaf etdiriləcəyinə əminlik ifadə olunub. Beynəlxalq platformalarda birgə fəaliyyətin önəmi qeyd edilərək, yaxın gələcəkdə İslam Əməkdaşlıq Təşkilatı çərçivəsində Baş Prokurorlar Şurasının təsis edilməsi müzakirə edilib.

Ali Məhkəməsinin sədri Mehmet Akarca ilə keçirilmiş görüşdə TDT Baş Prokurorları Şurası ilə yanaşı bir neçə gün öncə Şuşada Türk Dövlətləri Ali Məhkəmələri Konfransının təsis edilməsi yüksək qiymətləndirilib.

Kamran Əliyev tədbirdə iştirak edən TDT-nin Baş Katibi Kubaniçbek Ömüralıyev, Özbəkistan, Qazaxıstan, Qırğızıstan və Şimali Kipr Türk Respublikasının baş prokurorları ilə görüşlər keçirərək gələcək əməkdaşlıq perspektivləri barədə fikir mübadiləsi aparıb.

Sonda türk dövlətlərinin baş prokurorları Türkiyə Prezidenti Rəcəb Tayyib Ərdoğan tərəfindən qəbul ediliblər.

20:39

Baş prokuror Kamran Əliyev Türk Dövlətləri Təşkilatına (TDT) üzv dövlətlərin Baş Prokurorları Şurasının 2-ci iclasında iştirak etmək məqsədilə Ankarada işgüzar səfərdədir.

Bu gün Türkiyə Prezidenti Rəcəb Tayyib Ərdoğan Türk Dövlətləri Təşkilatının (TDT) baş prokurorlarını qəbul edib.

Görüşdə Azərbaycanı Baş prokuror Kamran Əliyev təmsil edib.

Tərəflər TDT ölkələri arasında əməkdaşlığı müzakirə ediblər.

Görüşdən sonra Baş prokuror Kamran Əliyev tərəfindən Türkiyə Prezidenti Rəcəb Tayyib Ərdoğana rəsm əsəri təqdim olunub.

Qeyd edək ki, rəsmdə 2021-ci il iyunun 15-də Şuşa şəhərində Azərbaycan və Türkiyə arasında müttəfiqlik münasibətləri haqqında bəyannamə imzalanan zaman dövlət başçılarının görüşü əks olunub.

18:58

Türkiyə Prezidenti Rəcəb Tayyib Ərdoğan Türk Dövlətləri Təşkilatının (TDT) baş prokurorlarını qəbul edib.

Bu barədə Türkiyə Prezidentinin Kommunikasiya İdarəsindən bildirilib.

Qeyd olunub ki, görüşdə Baş katib Kubanıçbek Omuraliev də iştirak edib. Görüşdə Azərbaycanı Baş prokuror Kamran Əliyev təmsil edib.

Tərəflər TDT ölkələri arasında əməkdaşlığı müzakirə ediblər.

Qeyd edək ki, K.Əliyev TDT Prokurorları Şurasının 2-ci iclasında iştirak etmək üçün Türkiyədə səfərdədir.

Cumhurbaşkanımız @RTErdogan, Yargıtay Cumhuriyet Başsavcısı Bekir Şahin ile birlikte Türk Devletleri Teşkilatı başsavcılarını Cumhurbaşkanlığı Külliyesinde kabul etti. pic.twitter.com/nnlxWoNotr

— T.C. Cumhurbaşkanlığı (@tcbestepe) October 24, 2023