Qərbi Azərbaycana qayıdışla bağlı beynəlxalq konfransın ikinci günü mədəni hissə ilə davam edir

Qərbi Azərbaycan İcmasının "Qayıdış hüququ - Ermənistandan zorla çıxarılan Azərbaycanlılar üçün ədalətin təşviqi" mövzusunda ikinci beynəlxalq konfransının mədəni hissəsi baş tutub.

Oxu.Az xəbər verir ki, mədəni hissə Zirədəki Mədəniyyət Mərkəzində baş tutub.

Tədbir qonaqları Qərbi azərbaycanlıların Ermənistanda dağıdılan mədəni irsi ilə bağlı filmə baxıblar.

Filmdə Qərbi Azərbaycan tarixi, milli-mədəni irsi və mətbəxi barədə məlumatlar təqdim edilib. Həmçinin Qərbi azərbaycanlıların zəngin mədəni abidələri, musiqisi filmdə yer alıb.

Mədəni hissə konsert proqramı ilə davam edib.

Qeyd edək ki, dekabrın 5-6-baş tutan "Qayıdış hüququ: Ermənistandan zorla çıxarılmış azərbaycanlılar üçün ədalətin təmin edilməsi" mövzusunda II beynəlxalq konfransda 51 ölkədən 100-dən çox xarici qonaq iştirak edib.

Məlumat üçün bildirək ki, dekabrın 5-i Qərbi Azərbaycanlıların 1987-1991-ci il deportasiyasının anım günüdür. Sözügedən günlə bağlı ötən il də analoji beynəlxalq konfrans keçirilib. "Ermənistandan didərgin salınmış azərbaycanlıların təhlükəsiz şəkildə və ləyaqətlə geri qayıdışını təmin etmək: qlobal kontekst və ədalətli həll" mövzusunda olan beynəlxalq konfransda 44 ölkədən 100-dən çox nümayəndə tədbirdə iştirak edib.

Mərahim Nəsib

16:32

Bu gün - dekabrın 6-da Qərbi Azərbaycan İcmasının "Qayıdış hüququ - Ermənistandan zorla çıxarılan Azərbaycanlılar üçün ədalətin təşviqi" mövzusunda ikinci beynəlxalq konfransının mədəni hissəsi start götürüb.

Oxu.Az xəbər verir ki, mədəni hissə Zirədəki Ekoparkda keçirilir.

Tədbir iştirakçıları burada ağacəkmə aksiyasını həyata keçirdikdən sonra Zirə Mədəniyyət Mərkəzində Qərbi azərbaycanlıların Ermənistanda dağıdılan mədəni irsi ilə bağlı filmə baxacaqlar.

Mərahim Nəsib