Ceyhun Bayramov: "Azərbaycan 2023-cü ildə antiterror tədbirləri ilə öz suverenliyini bərpa etdi"

"Azərbaycan 2023-cü ildə antiterror tədbirləri ilə öz suverenliyini bərpa etdi. Bundan sonra ABŞ tərəfindən 907-ci düzəliş yenidən işdə düşdü".

Oxu.Az xəbər verir ki, bunu xarici işlər naziri Ceyhun Bayramov gürcüstanlı həmkarı Maka Boçorişvili ilə birgə keçirilən mətbuat konfransında deyib.

O bildirib ki, 1992-ci ildə qəbul edilmiş azadlığa dəstək aktına "907-ci düzəliş" adlı bir sanksiya sənədi mövcud idi və onun Azərbaycana aid hissəsi uzun illər idi ki, dayandırılmışdı:

"Ancaq 20 il sonra məhz Azərbaycan suverenliyini bərpa etdiyi üçün bu layihə yenidən aktivləşdi. Ölkəmizə qarşı əsassız yanaşmanın təməlində bu dayanırdı".

Mərahim Nəsib