Dövlət büdcəsinə niyə yenidən baxılacaq? - VİDEO

İşğaldan azad edilmiş ərazilərə Böyük qayıdış və müdafiə qabiliyyətinin gücləndirilməsi üçün əlavə tədbirlərin maliyyələşdirilməsi qarşıya məqsəd kimi qoyulub.

Bunu Milli Məclisin İqtisadi siyasət, sənaye və sahibkarlıq, Əmək və sosial siyasət komitələrinin birgə iclasında maliyyə naziri Samir Şərifov bildirib.

“Eyni zamanda beynəlxalq münasibətlər və fəaliyyətlə əlaqədar xarici ölkələrə maliyyə yardımı, Azərbaycanın xaricdəki diplomatik nümayəndəlikləri və konsulluqları, eləcə də digər nümayəndəliklərinin əməkhaqqı sisteminin təkmilləşdirilməsi, beynəlxalq əməkdaşlıq çərçivəsində yeni təsis olunmuş müştərək investisiya fondlarının nizamnamə kapitalının formalaşdırılması ilə bağlı dövlətin üzərinə düşən öhdəliklərin yerinə yetirilməsi, ölkəmizin yeni peykinin buraxılması, dəmir yolu, elektrik təchizatı və digər infrastruktur layihələri üzrə yenidənqurma və əsaslı təmir işlərinin dövlət borcuna xidmətlə bağlı, həmçinin bir sıra digər vəzifələrin icrası üçün əlavə maliyyə təminatına zərurət yaranıb”, - deyə nazir əlavə edib.

S.Şərifov onu da bildirib ki, sözügedən istiqamətlər üzrə xərclərin ümumi məbləği 4 milyard 338 milyon manatdır.

Ətraflı videonu təqdim edirik:

Dövlət büdcəsinə niyə yenidən baxılacaq? - VİDEO