Elnur Soltanov: "Ermənistan tərəfinə dəvət göndərilib. Biz hər səviyyədə qonaq qəbul etməyə hazırıq"

"COP29-da iştirakla bağlı Ermənistan tərəfinə dəvət göndərilib".

Bunu energetika nazirinin müavini, COP29 Azərbaycan üzrə baş icraçı direktor Elnur Soltanov APA-ya açıqlamasında bildirib.

"Ermənistan tərəfinə dəvət göndərilib. Biz hər səviyyədə qonaq qəbul etməyə hazırıq", - Elnur Soltanov vurğulayıb.

Baş icraçı direktor Ermənistan Prezidenti Vaaqn Xaçaturyanın "Ermənistan noyabr ayında Bakıda keçiriləcək COP29-a qədər Azərbaycanla sülh sazişi imzalamağa çalışır" fikrinə də münasibət bildirib.

"Ölkələrimiz arasında qalıcı sülhə imza atılması arzuediləndir. Ancaq bu, hər iki ölkənin iradəsi, qarşılıqlı razılaşma, uzlaşma ilə baş tutmalıdır", - deyə Elnur Soltanov qeyd edib.