Gürcüstan və Azərbaycan arasında dəmir yolu ilə sərnişindaşıma xidməti təxirə salındı?

Baku TV-nin "Bizdən nə danışırlar?" verilişinin yeni buraxılışı yayımlanıb.

Verilişdə bildirilib ki, Rusiyanın "Vestnik Kavkaza" nəşrinin yazdıqlarına görə, Gürcüstan və Azərbaycan arasında dəmir yolu ilə sərnişindaşımalarının bərpası təxirə salınıb.

Bildirilib ki, Bakı və Tbilisi arasında sərnişin qatarının bərpası üzrə işlər davam edir, lakin sərnişindaşımaların bərpa olunacağı tarix daha sonra açıqlanacaq.

"Suriyada xarici qüvvələrin yerləşdirilməsi ilə bağlı istənilən dəyişikliyin "qırmızı xətt" olduğunu Azərbaycanda Türkiyə tərəfinə açıqladıq". Bu barədə "The Times of Israel" nəşri İsrail rəsmisinə istinadən məlumat yayıb.

"Dünən Azərbaycanda İsrail və Türkiyə nümayəndələri arasında görüş keçirilib. Görüşdə İsrail birmənalı şəkildə bildirib ki, Suriyada xarici qüvvələrin yerləşdirilməsində hər hansı dəyişiklik, xüsusən də Palmira bölgəsində türk bazalarının yaradılması "qırmızı xətt"dir", - deyə mənbədə qeyd olunub.

Ukraynanın aparıcı kütləvi informasiya vasitələri ADA Universitetində Prezident İlham Əliyevin "Yeni dünya nizamına doğru" mövzusunda beynəlxalq forumda çıxışına geniş yer ayırıb. "RBK-Ukrayna" nəşri Prezident İlham Əliyevin Ukrayna-Rusiya müharibəsinin tənzimlənməsinə dair fikirlərini işıqlandırıb. Məqalədə dövlət başçısının çıxışına istinadla yazılır ki, real dünyada müharibələr yalnız tərəflərdən biri təslim aktı imzaladıqdan sonra sona çatır.

Ətraflı süjetdə:

Gürcüstan və Azərbaycan arasında dəmir yolu ilə sərnişindaşıma xidməti təxirə salındı?