"Özbək həmkarımla çalışırıq ki, Özbəkistan və Azərbaycan dilinin kombinasiyasında danışaq".
Oxu.Az xəbər verir ki, bu sözləri Azərbaycan Prezidentinin köməkçisi - Prezident Administrasiyasının Xarici siyasət məsələləri şöbəsinin müdiri Hikmət Hacıyev İlham Əliyevin Özbəkistana dövlət səfəri zamanı jurnalistlərin suallarını cavablandırarkən deyib:
"Bu müəyyən dərəcədə özünü doğruldur, bir-birimizi başa düşürük. Bəzi müvafiq terminoloji məsələlər olduğu halda rus dilində də danışırıq. Lakin ümumən çalışırıq ki, özbək və Azərbaycan dillərinə üstünlük verək.
Yazılı mətnləri başa düşmək daha asandır. Mən dilçi deyiləm, amma müəyyən xarici dilləri öyrənməyə cəhd göstərmişəm".
Daha ətraflı Baku TV-nin videomaterialında:
Qeyd edək ki, Prezident İlham Əliyev Özbəkistanda dövlət səfərindədir.
