Ən son xəbərləri bizim "WhatsApp" kanalımızda izləyin

Leyla Abdullayeva: “Fransa vətəndaşı Martin Rayan Azərbaycanda casusluq ittihamı ilə həbs edilib”
“Casusluq əməlləri törətməkdə şübhəli bilinən Fransa vətəndaşı Martin Rayan 2023-cü il dekabrın 4-də həbs edilib”.
APA xəbər verir ki, bunu Azərbaycanın Fransadakı səfiri Leyla Abdullayeva Fransa mətbuatına açıqlamasında deyib.
Diplomatın sözlərinə görə, məhkəmə tərəfindən onun barəsində dörd ay müddətinə həbs qətimkan tədbiri seçilib.
Azərbaycan səfiri qeyd edib ki, Fransanın Bakıdakı səfirliyi həmin şəxsin həbsi barədə dərhal məlumatlandırılıb.
Martin Rayanın atası Riçard isə Fransa mətbuatına bildirib ki, ailə artıq onunla danışıb:
“Onunla hər dəfə iki dəqiqə olmaqla dörd dəfə danışmışıq. Oğlum deyir ki, onunla yaxşı rəftar olunur və vəkili ilə əlaqə saxlayır”.
Qeyd edək ki, Azərbaycan Fransanın iki diplomatını “persona non grata” elan edib, Fransa da buna cavab olaraq Azərbaycanın iki diplomatı barədə analoji addımı atıb.
"Fransa" teqi üzrə xəbərlər
- Makron Trampın qərarını əsassız adlandırdı
- Ağ Ev rüsumlar haqqında ziddiyyətli məlumatlar dərc edir - Səhv, yoxsa təhrif?
- Fransa Trampın tətbiq etdiyi rüsumları bir kəlmə ilə qiymətləndirdi
- Fransa tarixinin ən uğursuz prezidenti – Saxta demokrat, gerçək diktator
- BTQ Fransa hökuməti ilə Kanaki arasında danışıqlarda vasitəçilik təşəbbüsünü irəli sürüb