Milli Məclisin (MM) növbəti - 2018-ci il payız sessiyası oktyabrın 1-də öz işinə başlayıb.
Oxu.Az-ın xəbərinə görə, payız sessiyasının ilk plenar iclası öz işinə dövlət himninin oxunması və səslənməsi ilə start verib.
Qeyd edək ki, daha çox büdcə sessiyası kimi tanınan payız sessiyası dekabr ayının 30-dək fasilələrlə davam edəcək.
Sessiya dövründə (təxminən noyabr ayında) 2019-cu ilin dövlət büdcəsi zərfi əvvəlcə komitələrdə, sonra isə plenar iclaslarda müzakirə edilərək, qəbul olunacaq.
Sessiyanın ilk plenar iclasının gündəliyinə 60-dan çox məsələ daxil edilib.
İlk iclasda payız sessiyasının qanunvericilik işləri planı təsdiqlənəcək, qanun layihələri müzakirələrdən keçirilərək, birinci oxunuşda qəbul ediləcək.
Milli Məclisin payız sessiyası başladı
Kamil HƏMZƏOĞLU
www.oxu.az
