MSK-da Tahir Mirkişili ilə bağlı şikayətə baxıldı - YENİLƏNİB

MSK-da bu gün Milli Məclisə seçkilərlə əlaqədar şikayətlərə baxılıb. 

Oxu.Az xəbər verir ki, iclasda, həmçinin, 12 saylı Qaradağ-Binəqədi-Yasamal Seçki Dairəsi, 46 saylı Şirvan Seçki Dairəsi, 51 saylı Qusar Seçki Dairəsi üzrə müraciətlərin araşdırılması üçün müvafiq Dairə Seçki komissiyalarına göndərilməsinə qərar verilib.

16:19

Mərkəzi Seçki Komissiyasının (MSK) iclasında Milli Məclisə seçkilərlə əlaqədar 42 saylı Sumqayıt İkinci Seçki Dairəsi üzrə daxil olan müraciətə baxılıb.

Oxu.Az-ın məlumatına görə, bu barədə MSK-nın katibi Arifə Muxtarova qurumun iclasında bildirib.  

Onun sözlərinə görə, müraciət araşdırılması üçün müvafiq Dairə Seçki Komissiyasına göndərilib. 

Qeyd edək ki, həmin dairə üzrə lider namizəd Tahir Mirkişilidir. 

Aqşin Kərimov