Müdafiə Nazirliyinin nümayəndə heyəti Tbilisidə Heydər Əliyevin abidəsini ziyarət edib - YENİLƏNİB + FOTO

Azərbaycan Müdafiə Nazirliyi nümayəndə heyəti Gürcüstana səfəri çərçivəsində Tbilisidə “Qəhrəmanlar meydanı” və ulu öndər Heydər Əliyevin abidəsini ziyarət edib.

“Report”un yerli bürosu xəbər verir ki, əvvəlcə hərbi orkestr tərəfindən Azərbaycan və Gürcüstan dövlətlərinin himnləri səsləndirilib.

Ziyarətdə müdafiə nazirinin müavini - Baş direktor Aqil Qurbanov, müdafiə nazirinin müavini - Hərbi Hava Qüvvələri komandanı, general-leytenant Ramiz Tahirov, Gürcüstan tərəfindən müdafiə nazirinin müavini, general-leytenant Zaza Çikaidze iştirak ediblər.

13:58

Azərbaycan Müdafiə Nazirliyinin nümayəndə heyəti Gürcüstana səfərə gedib.

“Report” xəbər verir ki, nümayəndə heyətinə müdafiə nazirinin müavinləri - Baş direktor Aqil Qurbanov, Hərbi Hava Qüvvələri komandanı general-leytenant Ramiz Tahirov və digər rəsmilər daxildir.

Onlar Gürcüstan müdafiə nazirinin müavini Giorgi Xaindrava ilə görüşüblər.

Görüşdə iki ölkə arasında hərbi sahədə əməkdaşlığın perspektivləri müzakirə olunub.