Murad Dadaşov: "Artıq təkcə ağıllı, savadlı, bacarıqlı olmaq kifayət deyil"

"İndiki dövr çağırışları ən kiçik yaşlardan düşünmək, fərqlənmək, ideyanı düzgün şəkildə ifadə etmək kimi tələblər qoyur qarşımıza. Yəni, artıq təkcə ağıllı, savadlı, bacarıqlı olmaq kifayət deyil, gərək bunların hamısını birləşdirəsən. Çünki yaxşı layihəni zəif, zəif layihəni daha güclü təqdim edə bilərsən".

Bunu Oxu.Az-a açıqlamsında "MiniBoss biznes məktəbi" tərəfindən keçirilən milli çempionatın münsiflər heyətinin üzvü, "Xəzər Media Mərkəzinin direktoru Murad Dadaşov deyib.

O, təqdim olunan layihələrin təqdirəlayiq olduğunu vurğulayıb:

"Bu baxımdan, çox istəyirəm ki, bizim də uşaqlarımız önə çıxsın, özlərini təqdim edə bilsinlər. Çünki ideya çox yaxşıdır. Bütün əməkdaşlıq edən insanlara, ilk növbədə isə təlimçilər və valideynlərə təşəkkür edirəm".

Mərahim Nəsib