Paşinyan: "Qarabağ məsələsi uzun illərdir Ermənistanın boynunda ilgək kimi istifadə olunur"

Ermənistanın baş naziri Nikol Paşinyan parlamentdə bəyan edib ki, o, BMT-dəki çıxışı zamanı Ermənistan dövlətinin maraqları baxımından zəruri hesab etdiklərini deyib.

Oxu.Az xəbər verir ki, bu barədə "Sputnik" məlumat yayıb.

Baş nazir BMT tribunasından son çıxışı zamanı Qarabağdan niyə danışmadığını belə izah edib.

Paşinyan bildirib ki, Qarabağ məsələsi uzun illərdir bir çox dövlətlər tərəfindən Ermənistanın boynuna ilgək kimi, erməni dövlətçiliyinin aradan qaldırılması üçün istifadə olunur. O vurğulayıb ki, erməni xalqı öz tarixi ilə bağlı bütün həqiqətləri bilməlidir.