Prezidentin köməkçisi Ermənistanın mina terroru ilə bağlı paylaşım etdi - FOTO

“Landmine Monitor 2023” Ermənistanı piyada əleyhinə mina istehsal edən ölkələr siyahısına əlavə edib. İrəvanın təkzibinə baxmayaraq, məhz bu fakt 2020-ci ildə 44 günlük müharibə başa çatdıqdan sonra Azərbaycan ərazilərində minaların daşınması və quraşdırılması ilə bağlı Azərbaycanın Ermənistana qarşı haqlı iddialarını bir daha sübut edir”.

Oxu.Az-ın məlumatına görə, bunu Azərbaycan Prezidentinin köməkçisi - Prezident Administrasiyasının Xarici siyasət məsələləri şöbəsinin müdiri Hikmət Hacıyev özünün “X” hesabında bildirib.

O, bildirib ki, texniki tədqiqlər zamanı Ermənistanın Azərbaycanın işğal olunmuş torpaqlarında daha milyonlarla mina quraşdırdığı müəyyən edilib.

“Nəticədə 2020-ci ilin noyabr ayından 340-dan çox azərbaycanlı mina partlayışının qurbanı olub”, - deyə Prezidentin köməkçisi vurğulayıb.

Xatırladaq ki, noyabrın ortalarında Piyadalar Əleyhinə Minaların Qadağan Olunması Uğrunda Beynəlxalq Kampaniya Ermənistanın mina istehsal edən ölkə olduğunu qeydə alıb. Bu, beynəlxalq təşkilatın hazırladığı “Landmine Monitor Report 2023” layihəsində öz əksini tapıb. Bildirilib ki, əvvəlki illərdə mina istehsal edən ölkələrin sayı 55-dən 11-ə enmişdi, ancaq Ermənistanın da mina istehsalçısı olduğu nəzərə alınmaqla 12 ölkənin mina istehsal etdiyi müəyyənləşib.

Landmine Monitor 2023 has added Armenia to its list of countries producing anripersonnel mines.
#ICBL#landmine
Despite Armenia's denial, this very fact once again proves Azerbaijan's grounded claims against Armenia for transporting and implanting landmines to the territories of… pic.twitter.com/vHwjIboRpd

— Hikmet Hajiyev (@HikmetHajiyev) November 21, 2023