Bələdiyyə seçkisində ən yüksək və ən aşağı seçici fəallığı olan dairələr açıqlanıb

Bu gün keçirilən bələdiyyə seçkisində ən çox seçici fəallığı 59 saylı Quba seçki dairəsində qeydə alınıb.

Oxu.Az xəbər verir ki, bu dairədə seçici fəallığı 38.50 faiz olub.

Ən az seçici fəallığı isə 54 saylı Mingəçevir seçki dairəsində qeydə alınıb.

Burada seçki fəallığı aktivlik 24,45 faiz olub.

Qeyd edək ki, bələdiyyə seçkisinin ilkin nəticələrinin yaxın saatlarda açıqlanacağı gözlənilir.

Aləmdə Nəsib

20:38

Dairələr üzrə seçici fəallığı haqqında yeni məlumatlar Mərkəzi Seçki Komissiyasına (MSK) daxil olub.

Oxu.Az xəbər verir ki, bunu MSK-nın İnformasiya Mərkəzinin müdiri Fərid Orucov bələdiyyə seçkisində saat 19:00-a olan aktivliyi açıqlayarkən bildirib.

O qeyd edib ki, məntəqələrin hamısı ilkin hesabatları MSK-ya təqdim edib.

İnformasiya mərkəzinin müdiri əlavə edib ki, respublika üzrə ümumilikdə 1 874 810 nəfər səs verib və orta seçici fəallığı 31.45 faiz olub.

Aləmdə Nəsib

17:44

Mərkəzi Seçki Komissiyasına dairələr üzrə seçici fəallığı haqqında yeni məlumatlar daxil olub.

Oxu.Az xəbər verir ki, bunu Mərkəzi Seçki Komissiyasının (MSK) İnformasiya Mərkəzinin müdiri Fərid Orucov bələdiyyə seçkisində saat 17:00-a olan aktivliyi açıqlayarkən deyib.

O bildirib ki, məntəqələrin hamısı ilkin hesabatları MSK-ya təqdim edib.

İnformasiya mərkəzinin müdiri əlavə edib ki, respublika üzrə bu saata qədər 1 715 291 nəfər səs verib, orta hesabla seçici fəallığı 28.77 faizdir.

Aləmdə Nəsib

15:38

Dairələr üzrə seçici fəallığı haqqında yeni məlumatlar Mərkəzi Seçki Komissiyasına daxil olub.

Oxu.Az xəbər verir ki, bunu Mərkəzi Seçki Komissiyasının (MSK) İnformasiya Mərkəzinin müdiri Fərid Orucov bələdiyyə seçkisində saat 15:00-a olan aktivliyi açıqlayarkən deyib.

O bildirib ki, məntəqələrin hamısı ilkin hesabatları MSK-ya təqdim edib.

İnformasiya mərkəzinin müdiri əlavə edib ki, respublika üzrə bu saata qədər 1 473 005 nəfər səs verib, orta hesabla seçici fəallığı 24.71 faizdir.

Məhərrəm Əliyev

12:42

Mərkəzi Seçki Komissiyasına dairələr üzrə seçici fəallığı haqqında yeni məlumatlar daxil olub.

Oxu.Az xəbər verir ki, bunu Mərkəzi Seçki Komissiyasının (MSK) İnformasiya Mərkəzinin müdiri Fərid Orucov bələdiyyə seçkisində saat 12:00-a olan aktivliyi açıqlayarkən deyib.

O bildirib ki, məntəqələrin hamısı ilkin hesabatları MSK-ya təqdim edib.

İnformasiya mərkəzinin müdiri əlavə edib ki, bu saata qədər respublika üzrə 1 020 231 nəfər səs verib, ortalama seçici fəallığı isə 17.11 faizdir.

11:04

16 saylı Yasamal ikinci seçki dairəsində ən aşağı aktivlik qeydə alınıb.

Mərkəzi Seçki Komissiyasından Oxu.Az-a verilən məlumata görə, sözügedən seçki dairəsində seçici aktivliyi 2.39 faiz olub.

3 saylı Babək-Şahbuz-Kəngərli seçki dairəsində isə 18.4 faiz olmaqla ən yüksək seçici aktivliyi qeydə alınıb.

10:38

Mərkəzi Seçki Komissiyasına dairələr üzrə seçici fəallığı haqqında məlumatlar daxil olub.

Oxu.Az xəbər verir ki, bunu Mərkəzi Seçki Komissiyasının (MSK) İnformasiya Mərkəzinin müdiri Fərid Orucov bələdiyyə seçkisində saat 10:00-a olan aktivliyi açıqlayarkən deyib.

O bildirib ki, seçki ölkə üzrə 118 seçki dairəsinin 5 846 seçki məntəqəsində keçirilir. Məntəqələrin hamısı ilkin hesabatları MSK-ya təqdim edib.

İnformasiya mərkəzinin müdiri əlavə edib ki, respublika üzrə 499 575 nəfər səs verib, ortalama seçici fəallığı 8.35 faiz olub.

Mərahim Nəsib

08:22

"Gün ərzində beş dəfə seçki məntəqələrindəki seçici fəallığı haqqında məlumatlar ictimaiyyətə açıqlanacaq".

Oxu.Az xəbər verir ki, bunu Mərkəzi Seçki Komissiyasının (MSK) sədri Məzahir Pənahov deyib.

O bildirib ki, seçici fəallığı haqqında saat 10:00, 12:00, 15:00, 17:00 və 19:00-da məlumatlar canlı yayımlanacaq:

"Lakin qeyd etmək lazımdır ki, 685 bələdiyyədən ilkin nəticələri ictimaiyyətə çatdırmaq say baxımından digər seçkilərlə müqayisə edilə bilməz. Lakin çalışacağıq ki, nəticələri ictimaiyyətə çatdıra bilək".