Sivva “Sabahın xeyir, Şuşa” adlı yeni mahnı və klipini təqdim edib - VİDEO

Səhnə adı Sivva olan bəstəkar-müğənni Sevinc Ağasıyeva “Sabahın xeyir, Şuşa” adlı yeni mahnı və klipini təqdim edib.

Oxu.Az xəbər verir ki, mahnının sözləri şair Əyyub Qiyasa, musiqisi Sivvanın özünə aiddir.

Həzin, eyni zamanda vətənpərvərlik ruhunda olan mahnıya klip də lentə alınıb.

Ekran işinin rejissoru Emin Muradovdur. Klipdə Şuşa uğrunda döyüşlərdə qəhrəmancasına şəhid olan Pənah Məmmədovun obrazı canlandırılıb, eyni zamanda onun real kadrları yer alıb. Çəkilişlərin bir hissəsi şəhidin təhsil aldığı Şəki rayonu Orta Zəyzid kənd orta məktəbində, əsas hissəsi isə Şuşada - Cıdır düzü, Molla Pənah Vaqifin məqbərəsi, Yuxarı Gövhərağa məscidi və digər yerlərdə aparılıb.

Layihənin məqsədi Vətən savaşında şəhidlərimizin qəhrəmanlığını işıqlandırmaq və əzəli Azərbaycan torpağı olan Şuşa haqda yaddaqalan iş ərsəyə gətirməkdir. Əsas mesaj isə budur.

Müzəffər Ali Baş Komandan İlham Əliyevin rəhbərliyi ilə rəşadətli ordumuz, həmçinin Pənah Məmmədov kimi şəhidlərimizin sayəsində torpaqlarımız işğaldan azad olunub.

Şuşanın himninə çevriləcək mahnını sizə təqdim edirik:

Sivva “Sabahın xeyir, Şuşa” adlı yeni mahnı və klipini təqdim edib - VİDEO