Tramp Kanadanın ABŞ-yə birləşdiyi xəritəni dərc edib

ABŞ-nin yeni seçilmiş prezidenti Donald Tramp Kanadanın ABŞ-yə birləşdiriləcəyi təqdirdə ölkənin necə görünəcəyinə dair xəritə dərc edib.

Oxu.Az xəbər verir ki, D.Tramp xəritəni öz "Truth" sosial şəbəkəsində dərc edib.

Belə ki, D.Trampın dərc etdiyi xəritədə Kanada və ABŞ eyni rəngə boyanıb və üzərinə Amerika Birləşmiş Ştatları sözü yazılıb.

Qeyd edək ki, bir neçə gün əvvəl D.Tramp əksər kanadalının öz ölkəsinin ABŞ-nin 51-ci ştatı olmasını müdafiə etdiyini bəyan edib. O, hesab edir ki, belə birləşmə Kanadaya təkcə iqtisadi sabitlik gətirməyəcək, həm də onu Rusiya və Çin gəmilərindən gələn xarici təhlükələrdən qoruyacaq.