Türkiyə xarici işlər naziri Hakan Fidan Ankaranın BRICS-ə qoşulmağa marağını təsdiqləyib, lakin qeyd edib ki, bu birliyin institusional inkişafı baxımından respublikanın kifayət qədər məlumatı yoxdur.
Oxu.Az bu barədə "Anadolu" agentliyinə istinadən xəbər yayır.
"Biz cari beynəlxalq diversifikasiya şəraitində, əlbəttə ki, ticarət və iqtisadi əməkdaşlıq üçün müxtəlif variantları nəzərdən keçiririk. BRICS hazırda bir platformadır, lakin tam institutlaşmayıb. Başqa sözlə, məsələn, Aİ-nin inteqrasiya olunmuş və ümumi valyutası, maliyyələşdirmə metodları, modelləri, investisiya proqramları, meyarları, infrastrukturu və s. var. BRICS-də bu məsələlər hələ tam həll olunmayıb. BRICS-ə daxil olduqda hər şeyin necə inkişaf edəcəyini görəcəyik. Biz buna can atırıq", - deyə Fidan Ankaranın BRICS-ə qoşulmaq niyyəti ilə bağlı vəziyyət barədə suala cavab olaraq "Anadolu" Agentliyinə müsahibəsində bildirib.
BRICS - dövlətlərarası birlik, doqquz dövlətin ittifaqıdır: Braziliya, Rusiya, Hindistan, Çin, Cənubi Afrika, BƏƏ, İran, Misir və Efiopiya. Təşkilat 2006-cı ilin iyununda Peterburq İqtisadi Forumu çərçivəsində Braziliya, Rusiya, Hindistan və Çinin iqtisadiyyat nazirlərinin iştirakı ilə təsis edilib.
