Yaroslav Qolik: “Azərbaycan və Çexiyadakı seçkilər fərqlənir” - VİDEO

“Biz Milli Məclisə seçkilər zamanı 16 məntəqədə müşahidə apardıq”. 

Oxu.Az xəbər verir ki, bunu Çexiya parlamentinin müşahidə missiyasının üzvü Yaroslav Qolik keçirdiyi mətbuat konfransında deyib. 

O bildirib ki, müşahidələri zamanı qayda pozuntularının yol verilməməsinə çalışıblar. Y.Qolik Azərbaycanla Çexiyadakı seçkilər arasında fərqlərin olduğunu da diqqətə çatdırıb. 

“Çexiyada seçicilər şəxsiyyət vəsiqəsini götürüb, məntəqədə təqdim edib, səs verirlər. Azərbaycanda isə seçici həm də öz adının qarşısına imza qoymalıdır. İkincisi isə Azərbaycanda gözdən əlil seçicilərin sərbəst səs verməsi üçün Brayl əlifbası ilə seçki bülletenləri çap olunur. Bu, yaxşı haldır.

Üçüncüsü isə budur ki, Azərbaycanda seçicilərin barmağına gözəgörünməyən mürəkkəb vurulur ki, bu da onların ikinci dəfə səs verməsinin qarşısını alır”. 

Yaroslav Qolik: “Azərbaycan və Çexiyadakı seçkilər fərqlənir” - VİDEO

Aqşin Kərimov