"Neokolonializmlə mübarizə Rusiyanın xarici siyasəti üçün aktualdır".
Bu sözləri Rusiya Xarici İşlər Nazirliyinin rəsmi nümayəndəsi Mariya Zaxarova brifinqdə News.ru-nun Fransa müstəmləkəçiliyindən əziyyət çəkən Korsika, Melaneziya, Polineziya, Karib və Antil adalar qrupundan olan şəxslərin iştirakı ilə Bakıda birinci Qurultayla bağlı sualını cavablandırarkən deyib.
"Bu, bizim prioritetlərimizdən biridir. Ona görə yox ki, bu, tarixi reallıqlardır, bu da vacibdir, baş verənlər barədə məlumatları mühafizə etmək. Amma həm də ona görə ki, müstəmləkəçilik hazırda yüksəlişdədir və müasir texnoloji səviyyədə neokolonializm şəklində möhkəmlənir", - deyə o bildirib.
Zaxarova qeyd edib ki, bəzi ölkələr müxtəlif sahələrdə müasir imkanlardan istifadə edərək, bu gün də müstəmləkəçilik siyasətini davam etdirirlər.