Hava şəraitinin kəskin pisləşməsi uçuşlara təsir edəcəkmi?

Ölkə ərazisində yanvarın 16-dan 17-nə keçən gecədən başlayaraq 18-i gündüzədək gözlənilən ifrat təhlükəli hidrometeoroloji hadisə ilə bağlı xəbərdarlıq “Azərbaycan Hava Yolları”nın reyslərinin təqviminə təsir etməyəcək.

Bu barədə Oxu.Az-a “Azərbaycan Hava Yolları” (AZAL) QSC-nin mətbuat xidmətinin rəhbəri Paşa Kəsəmənski məlumat verib.

O bildirib ki, ölkə ərazisində müşahidə ediləcək güclü küləklə əlaqədar reyslərin vaxtına dəyişiklik edilməyib:

“Hava ilə bağlı Ekologiya və Təbii Sərvətlər Nazirliyinin aparatında və Milli Hidrometeorologiya Departamentindən verilən xəbərdarlıqla əlaqədar AZAL reyslərinin təqvimində dəyişiklik yoxdur. Bütün reyslər qrafik üzrə aparılır”.

Hava şəraitinin kəskin pisləşməsi uçuşlara təsir edəcəkmi?

Könül Cəfərli