11 
Avq
2014
13:10
14
88
3302
Virtual karabakh

Masallıda baş həkim işçiləri hədələyərək pul yığır: Ya 20 manat ver, ya da qan!

İddiaya görə, bu aksiyada qan hansısa xeyriyyə məqsədi ilə deyil, satılmaq üçün yığılır.

Masallıda tibb işçilərinin könüllü qanvermə aksiyası keçirilir.

Oxu.Az AzNews.az-a istinadən xəbər verir ki, Masallı Mərkəzi Xəstəxanasının baş həkimi Cəlil Nəzərov aksiyanın gedişatında yeni “qayda” tətbiq edib. 

Belə ki, səhhəti imkan verməyən və digər hər hansı səbəbdən qan vermək istəməyən tibb işçiləri qan əvəzinə baş həkimə pul ödəyir.

C.Nəzərovun “qaydasına” görə “cərimənin” məbləği 20 manatdır.

Xəstəxanadan verilən məlumata görə, qan və ya 20 manat ödəməyən tibb işçisi işdən çıxarılma ilə hədələnir.

Şikayətçilər deyir ki, hər il keçirilən qanvermə aksiyası baş həkimin əlavə qazanc yeridir. İddiaya görə, bu aksiyada qan hansısa xeyriyyə məqsədi ilə deyil, satılmaq üçün yığılır.

Məsələni diqqətdə saxlayacağıq.

www.oxu.az

Bizimlə əlaqə saxlayın

Digər Cəmiyyət xəbərləri