Apr
2020
10:36
17
161
1780
Virtual karabakh

Könül Nurullayevanın “Deputat qərargahı” yeni layihəyə qoşuldu

6 Apr, 2020
10:36
1780

Könül Nurullayevanın “Deputat qərargahı” yeni layihəyə qoşuldu

Bizim WhatsApp kanalımıza buradan abunə ola bilərsiniz

24 saylı Nizami 1-ci seçki dairəsindən Milli Məclisə deputat seçilmiş Könül Nurullayeva və onun seçki qərargahı Mədəniyyət Nazirliyinin “Yaradıcılığı evdə öyrən” layihəsinə qoşulub.

Hazırda ÜST tərəfindən COVID-19 xəstəliyinin pandemiya elan edilməsi, koronavirusun dünya üzrə geniş yayılmasını nəzərə alaraq, Nazirlər Kabineti yanında operativ qərargah tərəfindən ölkə ərazisində xüsusi rejimə keçilməsi il bağlı qərar qəbul edilib. 

Bu baxımdan, digər sahələrdə olduğu kimi, mədəniyyətin onlayn təbliği, insanların evdə asudə vaxtlarının səmərəli təşkili üçün Mədəniyyət Nazirliyinin yeni “Yaradıcılığı evdə öyrən - özünü kəşf et və bacarıqlarınla tanın” adlı layihəyə start verilib.

Layihə insanlara təlim proqramlarından faydalanaraq, yeni bacarıqları kəşf etməyə və özünə əminlik hisslərini gücləndirməyə imkan yaratmaq məqsədi daşıyır. Bununla bağlı Nazirliyinin rəsmi “Facebook” səhifəsindən hər gün yaradıcılıq dərsləri paylaşılır.

Bu videodərslər xalq sənətkarlığı, aşıq musiqisi, rəsm, bədii qiraət, rəqs kimi mədəniyyətin müxtəlif istiqamətlərinə həsr olunur və ev şəraitində milli-mədəni irsimizin bu növlərinin insanlar tərəfindən mənimsənilməsini ehtiva edir. 

Bu gündən etibarən “Mədəniyyət” telekanalında layihənin veriliş forması nümayiş etdiriləcək və ictimaiyyətin faydalanması imkanları genişləndiriləcək. Nazirliyin sosial şəbəkələrdə #yaradıcılığıevdəöyrən həştəqi ilə paylaşılan layihəsinə ictimaiyyətin tanınmış nümayəndələri qoşulur. 

İlk olaraq 24 saylı Nizami 1-ci seçki dairəsindən Milli Məclisə deputat seçilmiş Könül Nurullayeva və onun seçki qərargahı prosesə aktiv formada qoşulub. Bu təşəbbüs Bakı şəhəri, Nizami rayonu üzrə qeydiyyatda olan vətəndaşlardan layihəyə qoşulanlar üçün xüsusi imkanlar yaradıb.

Belə ki, qeyd edilən rayonda qeydiyyatda olan, layihə çərçivəsində elan edilmiş müsabiqəyə qoşulan və müvafiq qaydalara uyğun olaraq qalib seçiləcək vətəndaşlar qiymətli hədiyyələrlə yanaşı, pul mükafatına və sertifikatlara da layiq görüləcəklər. 

Bakı şəhəri, Nizami rayonunda (seçki dairəsindən asılı olmayaraq, bütün rayon ərazisinə şamil edilir) qeydiyyatda olan şəxslər (seçimlər zamanı şəxsiyyət vəsiqəsi və ya şəxsiyyətini təsdiq edən digər sənəd nəzərə alınacaq) layihədən aşağıdakı kimi yararlana bilərlər: 

1. Nazirliyin rəsmi “Facebook” səhifəsində #yaradıcılığıevdəöyrən həştəqi ilə paylaşılan videolardan öz maraq dairəsinə uyğun birini və ya bir neçəsini seçmək (layihə üzrə tikmə, toxuma, biçmə, xalçaçılıq, ağac və taxta üzərində oyma, şüşə üzərində işləmə, vitraj, dekorativ bəzək əşyaları hazırlama, aksesuar hazırlanması kimi sənətkarlıq növləri, eləcə də, bədii qiraət, rəqs, musiqi, rəsm çəkmək kimi işlər təqdim edilə bilər); 

2. Həmin videolardan bəhrələnməklə yeni məhsul hazırlamaq (məsələn, qiraət dərsinə baxmaqla şeir demək, sənətkarlıq dərsinə baxmaqla suvenir hazırlamaq, rəsm dərsinə baxmaqla rəsm çəkmək və s.); 

3. Yaratdığı məhsulun hazırlanma prosesini və hazır variantını evdə mobil telefon vasitəsilə çəkmək (bu videodan məhsulun onun tərəfindən hazırlandığı aydın bilinməlidir); 

4. Həmin videonu (maksimum 15 dəqiqə olmalı, əgər dəqiqəsi artıqdırsa, mobil telefonun texniki imkanlarından istifadə edilməklə qısaldılması) “Facebook”da öz səhifəsində #yaradıcılığıevdəöyrən həştəqi ilə paylaşmaq və bəhrələndiyi videodərsin linkini də əlavə etmək. 

Qeyd: Layihə üzrə müsabiqədə qeyd edilən sahələr üzrə yalnız həvəskar şəxslər iştirak edə bilər. Cari ilin may ayının 7-dək (videonun son yerləşdirilmə tarixi 1 may 2020-ci il, son qiymətləndirilmə tarixi 7 may 2020-ci il olmaqla) davam edəcək müsabiqədə iştirak edən şəxslərin hazırladığı və “Facebook”da ən çox bəyənilən (like) ilk üç video qalib olacaq.

Nəticədə, 1-ci yerin qalibinə 1000 manat, 2-ci və 3-cü yer sahiblərinə də pul mükafatı ilə yanaşı, hədiyyələr və sertifikatlar da təqdim ediləcək. Suallarla üzləşən vətəndaşlar “Deputat Qərargahında” yaradılmış İşçi qrupu ilə əlaqə saxlaya bilərlər (İş: 012 422 22 41, mob: 055 276 23 75).

Bizimlə əlaqə saxlayın

Digər Cəmiyyət xəbərləri