Abşeron rayonu Masazır qəsəbəsində partlayış baş verib.
Oxu.Az APA-ya istinadən xəbər verir ki, fərdi yaşayış evində qaz sızması nəticəsində baş verən partlayış Sarı Aşıq küçəsində qeydə alınıb. Hadisə yerinə Fövqəladə Hallar Nazirliyinin əməkdaşları cəlb olunub.
Məlumata görə, partlayış nəticəsində Leyla Abış qızı Aslanova xəsarət alıb. O təcili tibbi yardım maşını ilə 5 saylı şəhər xəstəxanasına aparılıb.