Dek
2023
15:20
100
7
1062
Virtual karabakh

AAYDA: “Sarayda Mikayıl Müşfiq küçəsinin əsaslı təmiri yekunlaşmaq üzrədir” - FOTO/VİDEO

1 Dek, 2023
15:20
1062

AAYDA: “Sarayda Mikayıl Müşfiq küçəsinin əsaslı təmiri yekunlaşmaq üzrədir” - FOTO/VİDEO

Bizim WhatsApp kanalımıza buradan abunə ola bilərsiniz

Abşeron rayonunun Saray qəsəbəsində uzunluğu 2 026 metr, eni 8,40 metr təşkil edən Mikayıl Müşfiq küçəsinin əsaslı təmiri yekunlaşmaq üzrədir.

Bu barədə Azərbaycan Avtomobil Yolları Dövlət Agentliyindən (AAYDA) bildirilib.

Məlumata görə, sözügedən küçə uzun müddət əsaslı şəkildə təmir edilmədən istismar olunması nəticəsində yolboyu çalalar və torşəkilli çatlar əmələ gəlib. Bu isə xüsusən payız-qış mövsümündə gediş-gəlişdə problemlərə səbəb olub.

Təmir işləri çərçivəsində yolboyu köhnə asfalt-beton örtüyünün frezlənməsi, zəruri yerlərdə, əsasən deformasiyaya uğramış hissələri qazılaraq kənarlaşdırılması, əks-dolğu işləri görülüb.

“İnşaat Norma və Qaydaları”nın tələblərinə əsasən, hazırda yola yeni asfalt-beton örtüyünün döşənməsi işləri icra olunur. Artıq layihə çərçivəsində küçənin bir km-lik hissəsində asfalt-beton örtüyünün döşənməsi yekunlaşdırılıb.

Layihənin sonuncu mərhələsində avtonəqliyyat vasitələrinin normal hərəkətinin təşkili üçün yolcizgi və yolgöstərici xətlər, həmçinin piyada zolaqları çəkilməklə müasir yol infrastrukturu yaradılıb vətəndaşların istifadəsinə veriləcək.

Bizimlə əlaqə saxlayın

Digər Cəmiyyət xəbərləri