Dek
2023
00:28
4
142
2874
Virtual karabakh

Rəşid Behbudovun bacısının qəbri niyə dağılıb? - VİDEO

5 Dek, 2023
00:28
2874

Rəşid Behbudovun bacısının qəbri niyə dağılıb? - VİDEO

Bizim WhatsApp kanalımıza buradan abunə ola bilərsiniz

“Bəyin oğurlanması” filmində Bibixanım obrazı ilə yaddaşlara həkk olunan Əməkdar artist Nəcibə Behbudovanın məzarı dağılıb.

Məsələ ilə bağlı Yasamal Bələdiyyəsindən bildirilib ki, qəbir güclü külək nəticəsində dağılıb:

“Son üç gündə güclü külək oldu, görünür, daşın da keyfiyyəti aşağı olub. Güclü külək nəticəsində daş aşıb. Burada köhnə qəbirlər çoxdur. İlk dəfədir ki, baş daşı aşıb. Bu da daşın zəif olmasından irəli gəlir. Aktrisa 1999-cu ildə dəfn olunub. Çürüntü daşda olan boşluq 20-30 ildən sonra özünü büruzə verir”.

Bildirilib ki, bələdiyyə əməkdaşları tərəfindən əraziyə baxış keçirilib və yeni məzar daşı qoyulacaq.

Qeyd edək ki, Əməkdar artist Nəcibə Behbudova 1999-cu il dekabrın yeddisində vəfat edib və Yasamal qəbiristanlığında dəfn olunub.

Aktrisa dünyaşöhrətli müğənni Rəşid Behbudovun bacısıdır. O, “Bəyin oğurlanması”, “Fəryad”, “Qarabağ şikəstəsi”, “Təxribat” və “Ulduz” kimi bir çox filmlərdə rol alıb.

Ətraflı Baku TV-nin süjetində:

Bizimlə əlaqə saxlayın

Digər Cəmiyyət xəbərləri