Ən son xəbərləri bizim "Facebook" səhifəmizdə izləyin
Erməniyə qalib gələn güləşçimiz dünya çempionu oldu - FOTO/VİDEO
Rumıniyanın paytaxtı Buxarestdə keçirilən 23 yaşadək (U-23) güləşçilərin dünya çempionatı sona çatıb.
Oxu.Az xəbər verir ki, müəyyən səbəbdən tam heyətlə iştirak edə bilməyən sərbəst güləşçilər son gündə qapını bərk çırpıb.
Bundan əvvəl Əli Rəhimzadənin (-65 kq) ifasında gümüş medal qazanmış güləşçilərimiz son gündə daha iki medalı aktivinə yazdırıb. Belə ki, Güləş Federasiyasının vitse-prezidenti Firdovsi Umudovun baş məşqçisi olduğu millimiz qızıl və bürünc medal qazanıb.
Əvvəlcə Murad Süleymanov (-86 kq) bizi sevindirib. 1/8 finalda erməni Hovannes Mxitaryana 10:7 hesabı ilə qalib gəlmiş Murad bürünc medal uğrunda görüşdə kanadalı Aleksander Robert Muru 10:0 hesabı ilə məğlub edib.
Erməniyə qalib gələn güləşçimiz dünya çempionu oldu - FOTO/VİDEO
Bu, ikinci dəfə keçirilən U-23-lərin dünya çempionatında güləş millilərimizin qazandığı ilk qızıl medal olub. Xatırladaq ki, ötən il Polşada keçirilmiş dünya çempionatında millilərimiz yalnız beş bürünc medal qazanmaqla kifayətlənmişdi.Qeyd edək ki, güləş millilərimiz ümumilikdə yeddi medal qazanıb. Bundan əvvəl yunan-Roma millimiz iki gümüş və bir bürünc, qadın yığmamız isə bir gümüş medala yiyələnmişdi.
Səbuhi MUSAYEV
www.oxu.az
Mövzuya aid xəbərlər
Ən çox oxunanlar
Rəylər