Çindən təxliyyə olunan ukraynalıların avtobusu daşa basıldı - VİDEO

Ukraynalıların və əcnəbi vətəndaşların Çindən təxliyyəsi ölkə sakinləri ilə hüquq mühafizəçiləri arasında qarşıdurma ilə nəticələnib.

Bu barədə “RİA Novosti” xəbər yayıb.

Bildirilir ki, Poltava vilayətinin sakinləri Çindən qayıdan şəxslərin onların qəsəbəsinə köçürülməsinə etiraz olaraq avtobusları daşa basıblar.

Xatırladaq ki, dünən də Uhandan sərnişinləri təxliyyə edən təyyarə yerli sakinlərin etirazı səbəbindən ölkənin üç aeroportuna enə bilməyib. Təyyarə Xarkov əyaləti üzərində 35 dövrə vurduqdan sonra “Borispol” aeroportuna yollanıb.

Ukrayna hökuməti sakinlərin bu etirazını kəskin qınayıb.