Yan
2023
13:58
648
25
4968
Virtual karabakh

Göstəricilərinə görə F-35-dən üstün olacaq “Kızılelma” - FOTO

4 Yan, 2023
13:58
4968

Göstəricilərinə görə F-35-dən üstün olacaq “Kızılelma” - FOTO

Türkiyənin “Baykar” şirkəti tərəfindən hazırlanan səsdən sürətli pilotsuz “Bayraktar Kızılelma” qırıcısı ABŞ-nin beşinci nəsil F-35 qırıcısını bir neçə göstəriciyə görə üstələyəcək.

Bu barədə “Baykar” şirkətinin texniki direktoru Səlcuq Bayraktar bildirib.

Onun sözlərinə görə, pilotsuz qırıcı gələcəkdə klassik döyüş təyyarələrinə qarşı hava döyüşlərində istifadə edilə bilər.

“Biz pilotsuz qırıcının səsdən sürətli versiyasını istehsal etməyi planlaşdırırıq. “Kızılelma” aviasiyada inqilab edəcək, o, klassik döyüş təyyarələrinə qarşı hava döyüşlərində istifadə edilə bilər. Bəlkə də, dronun ilk uçuşundan sonra onu bir çox ölkədə istifadə olunan təyyarələrlə müqayisə etmək düzgün olmazdı, lakin tam hazır olanda bir neçə göstəriciyə görə F-35-i keçəcək”, - deyə Bayraktar bildirib.

Onun sözlərinə görə, “Kızılelma” F-35 kimi beşinci nəsil qırıcıdır, lakin uzaqdan idarə olunur.

“Gələcəkdə bu, klassik beşinci nəsil aviasiyası üçün çağırış olacaq”, - deyə şirkətin rəhbəri bildirib.

Qeyd edək ki, pilotsuz qırıcı ilk dəfə 2022-ci ilin avqustunda Samsun şəhərində keçirilən “Teknofest” aerokosmik sərgisində təqdim edilib. O, MIUS döyüş pilotsuz təyyarə kompleksi layihəsinin bir hissəsi kimi hazırlanıb. “Kızılelma”nın uçuş kütləsi təqribən 6 tondur ki, bunun da təxminən 2 tonu faydalı yükdür. Bu pilotsuz aparat 12 km yüksəklikdə 5-6 saat hərəkət edə bilir. Onun uçuş diapazonu SATCOM məlumat şəbəkəsi ilə işləmək qabiliyyətinə görə qeyri-məhduddur.

Mənbə: TASS

Bizimlə əlaqə saxlayın

Digər Dünya xəbərləri