Çili hökuməti ölkənin keçmiş prezidentinin vəfatı ilə əlaqədar matəm elan edib - YENİLƏNİB

Çili hökuməti ölkənin keçmiş prezidenti Sebastyan Pinyeranın ölümünü təsdiqləyib və milli matəm elan edib.

Bu barədə ölkənin daxili işlər naziri Karolina Toa bildirib.

“Prezident Qabriel Boriç dövlət səviyyəsində dəfn mərasiminin keçirilməsi və milli matəm elan edilməsi ilə bağlı göstəriş verib”, - deyə o, mətbuat konfransında bildirib.

Mənbə: TASS

00:54

Çilinin keçmiş prezidenti Sebastyan Pinyera ölkənin cənubunda helikopter qəzası nəticəsində ölüb.

Qeyd olunur ki, göyərtəsində 74 yaşlı siyasətçinin olduğu helikopter ölkənin cənubundakı Los Rios bölgəsində qəzaya uğrayıb. Göyərtədə dörd nəfər - ehtimal ki, Pinyera ailəsinin üzvləri olub. İlkin məlumata görə, üç nəfər sağ qalıb. Eks-prezidentin helikopteri şəxsən idarə etdiyi bildirilir.

Helikopter gölə düşərək batıb. Pinyera təhlükəsizlik kəmərini aça bilmədiyi üçün kabinədən tez çıxa bilməyib.

Xatırladaq ki, Sebastyan Pinyera iki dəfə - 2010-2014 və 2018-2022-ci illərdə ölkənin rəhbəri olub.

Mənbə: mk.ru