:640.jpg.webp)
Bu günlərdə İran Mülki Aviasiya Təşkilatının sədri Məhəmməd Məhəmmədibəxşin ölkədə şəxsi təyyarə alınmasının sərbəst olduğu barədə açıqlaması cəmiyyətdə geniş əks-səda doğurub və sosial şəbəkələrin İran seqmentində əsas müzakirə mövzularından birinə çevrilib.
“Azad İran” “YouTube” kanalında yayımlanan videoda qeyd olunub ki, ölkə əhalisinin mütləq əksəriyyətinin ciddi dolanışıq problemləri yaşadığı, eləcə də bir sıra bahalı xarici malların ölkəyə gətirilməsinə hökumətin qadağa qoyduğu bir şəraitdə bu qərar çoxsaylı sual doğurub və varlı təbəqə üçün nəzərdə tutulan daha bir imtiyaz kimi dəyərləndirilib.
Məsələ o qədər geniş reaksiyalar doğurub ki, aprelin 22-də Mülki Aviasiya Təşkilatı bununla bağlı ayrıca bəyanat yaymaq məcburiyyətində qalıb. Lakin bu da sosial mediada narazılıq, hiddət və kinayə dolu çıxışların qarşısını ala bilməyib.
Mülki Aviasiya Təşkilatı sədrinin açıqlamasına ilk reaksiya verənlərdən biri, əvvəllər aparıcı hökumət qəzetlərində çalışan tanınmış jurnalist Azadə Muxtari yazıb:
“Sanksiyaların vəzifəli şəxslərin və onların övladlarının həyatına heç bir təsir göstərmədiyinin aydın göstəricisi! Buyurun, şəxsi təyyarəni yüksək vəzifəli məmurlardan, onların övladlarından və təbii ki, onlara bağlı olan iki faiz hədsiz sərvət sahiblərindən başqa kim ala və idxal edə bilər? Ümumiyyətlə, şəxsi təyyarə ölkənin hazırkı problemlərinin hansına çarə qılacaq?”
Həmin posta münasibət bildirən izləyicilərdən biri isə qısa və sərrast şəkildə yazıb:
“Xalqa yanıq vermək və onu ələ salmaq elə budur!”
Daha ətraflı yeni videosüjetdə:
İranda şəxsi təyyarə qalmaqalı - VİDEO
Rəylər