ABŞ İrana helikopter qəzası ilə bağlı yardım etməkdən imtina edib

"İran Prezidenti İbrahim Rəisi və onu müşayiət edən rəsmi şəxslərin helikopter qəzasından sonra İran hökuməti yardım üçün ABŞ-yə müraciət edib".

Bu bəyanatla ABŞ Dövlət Departamentinin mətbuat xidmətinin rəhbəri Metyu Miller çıxış edib.

"İran hökuməti kömək üçün bizə müraciət edib. Biz onlara açıq şəkildə bildirdik ki, belə bir vəziyyətdə xarici hökumətin istənilən müraciətinə cavab olaraq yardım təklif edəcəyik. Və sonda biz bu yardımı göstərə bilmədik", - deyə Metyu Miller bildirib.

Miller qeyd edib ki, Vaşinqton "əsasən logistik səbəblərə görə" Tehrana yardım göstərə bilməyib.

23:12

"İran Prezidenti İbrahim Rəisi və xarici işlər naziri Hüseyn Əmir Abdullahianın helikopter qəzasında həlak olmasına baxmayaraq, ABŞ İrana, o cümlədən hava nəqliyyatına qarşı sanksiyaları tam şəkildə qüvvədə saxlamaq niyyətindədir".

Bunu ABŞ Dövlət Departamentinin mətbuat xidmətinin rəhbəri Metyu Miller brifinqdə deyib.

"Bizim sanksiya rejiminə görə qətiyyən üzr istəmək niyyətimiz yoxdur. İran hökuməti terrorizmi dəstəkləmək məqsədilə avadanlığın daşınması üçün öz təyyarələrindən istifadə edib. Bu baxımdan biz sanksiyalar rejimini, o cümlədən İran hökumətinin istifadə etdiyi helikopter və təyyarələrə qarşı sanksiyaları tam şəkildə həyata keçirməyə davam edəcəyik", - o qeyd edib.

Mənbə: Tass