ABŞ-də "Amerikanın Səsi" və "Azadlıq" radiosu fəaliyyətlərini dayandırıblar

ABŞ Prezidenti Donald Tramp ABŞ Qlobal Media Agentliyini (USAGM) ləğv etmək əmrindən sonra "Amerikanın Səsi" və "Azadlıq" radiosu fəaliyyətini dayandırıblar.

Bu barədə Oxu.Az "Reuters" agentliyinə istinadla xəbər verir.

Bildirilir ki, hökumət təşkilatı olan USAGM-nin tərkibinə "Amerikanın Səsi"("Voice of America") və "Azadlıq" radiosu ("Radio Free Europe/Radio Liberty") daxildir.

"Amerikanın səsi"nin direktoru Maykl Abramovitsin sözlərinə görə, D.Trampın qərarından sonra radiostansiyanın 1 300-dən çox əməkdaşını məzuniyyətə yollayıblar.

Qeyd edək ki, ABŞ Konqresinin hesabatına əsasən, ötən ilin yekunları üzrə USAGM-nin büdcəsi 886 milyon dollar təşkil edib, 3 500-ə yaxın işçi işə götürülüb.