"Qalatasaray" İngiltərə klubunun futbolçusu üçün yenidən təklif göndərdi

"Qalatasaray" "Lester Siti"ni tərk etməyə hazırlaşan Uilfred Ndidi üçün yenidən təklif göndərib.

Oxu.Az "Ajansspor"a istinadən xəbər verir ki, ötən mövsüm "Qalatasaray"ın transfer etmək istədiyi 28 yaşlı futbolçunun bu dəfə "sarı-qırmızılar"dan gələn təklifi nəzərdən keçirəcəyi bildirilib.

Uilfred Ndidi üçün Viktor Osimhenin təsiri də vacibdir. 28 yaşlı nigeriyalı yarımmüdafiəçi həmyerlisinin cari mövsümdə "Qalatasaray"dakı çıxışından sonra qırmızı-sarı formada maraqlı ola bilər.

Qeyd edək ki, yarımmüdafiədə həm 6, həm də 8 nömrə kimi çıxış edə bilən Uilfred Ndidi bu mövsüm 22 rəsmi matçda bir qol vurub və 4 məhsuldar ötürmə edib, ümumilikdə 1785 dəqiqə meydanda olub.