Zabrat qəsəbəsində mazutlu sahədə başlayan yanğın söndürüldü

Bakı şəhəri, Sabunçu rayonu, Zabrat qəsəbəsində açıq ərazidə baş vermiş yanğın Fövqəladə Hallar Nazirliyinin Dövlət Yanğından Mühafizə Xidmətinin qüvvələrinin çevik müdaxiləsi sayəsində geniş sahəyə yayılmasına imkan verilmədən qısa müddətdə söndürülüb.

Oxu.Az xəbər verir ki, bu barədə FHN-in Mətbuat Xidməti məlumat yayıb.

14:38

Fövqəladə Hallar Nazirliyinin "112" qaynar telefon xəttinə Bakı şəhəri, Sabunçu rayonu, Zabrat qəsəbəsində mazutluq sahədə yanğın olması barədə ilkin məlumat daxil olub.

Oxu.Az FHN-ə istinadən xəbər verir ki, məlumatla əlaqədar Nazirliyin Dövlət Yanğından Mühafizə Xidmətinin yanğından mühafizə bölmələri çağırış üzrə cəlb olunublar.

Hazırda yanğınsöndürmə işləri həyata keçirilir.

Əlavə məlumat veriləcək.