Ağdərədə tapılan insan sümükləri ilə bağlı rəsmi AÇIQLAMA

İnsan skeletinə bənzər sümük fraqmentlərinin aşkar edilməsi faktı ilə bağlı araşdırma aparılır.

Baş Prokurorluğun Mətbuat xidmətindən Oxu.Az-ın sorğusuna cavab olaraq bildirilib ki, aprelin 2-də Ağdərə rayonu, Baş Güneypəyə kəndi ərazisində insana məxsus olması ehtimal edilən sümük fraqmentlərinin aşkar edilməsi barədə rayon prokurorluğuna məlumat daxil olub.

Dərhal prokurorluq əməkdaşları tərəfindən kriminalist və ekspertin iştirakı ilə hadisə yerinə baxış keçirilmiş, baxış zamanı aşkar olunmuş sümük qalıqları ekspertiza və laborator müayinələrin aparılması məqsədilə müvafiq qaydada götürülüb, eləcə də digər zəruri prosessual hərəkətlər yerinə yetirilib.

Hazırda sümüklərin kimə məxsus olması istiqamətində zəruri prosessual hərəkətlər icra edilir.

Faktla bağlı Ağdam Rayon Prokurorluğunda araşdırma aparılır.

13:31

Əsir və itkin düşmüş, girov götürülmüş vətəndaşlarla əlaqədar Dövlət Komissiyasının üzvləri aprelin 4-də Ağdərə rayonunun Baş Güneypəyə kəndində insana məxsus olduğu ehtimal edilən skelet fraqmentləri tapılan hadisə yerində olacaq.

Oxu.Az xəbər verir ki, bu barədə meyit qalıqları ekspertizaya göndərilən şəhid Qurban Göyüşovun qardaşı Zahir Göyüşov məlumat verib.

Bildirilib ki, şəhid Əsəddin Curu oğlu Novruzova aid olduğu ehtimal olunan skelet qalıqları uçmuş evin altından hələ çıxarılmayıb və Dövlət Komissiyasının üzvləri mərhumun qalıqlarını ərazidən götürəcəklər.

10:35

Xəbər verdiyimiz kimi, Ağdərə rayonunun Baş Güneypəyə kəndi ərazisində insana məxsus olduğu ehtimal edilən skelet fraqmentləri aşkarlanıb.

Oxu.Az "Report"a istinadən xəbər verir ki, qalıqların Əsəddin Curu oğlu Novruzov və Qurban Ramazan oğlu Göyüşova məxsus olduğu ehtimal edilir.

Bildirilib ki, qalıqlar həmin şəxslərin 1992-ci il martın 12-də şəhid olduqdan sonra yaxınlarının qoyub getdikləri yerdə tapılıb.

Artıq qalıqlar ərazidən götürülərək şəxsiyyətlərinin müəyyənləşdirilməsi üçün ekspertizaya göndərilib.

Ağdərədə tapılan insan sümükləri ilə bağlı rəsmi AÇIQLAMA

10:35

Ağdərənin Baş Güneypəyə kəndində insan sümükləri tapılıb.

Oxu.Az-ın məlumatına görə, araşdırmalar prokurorluq tərəfindən aparılır.

Aytac Qasımova