CHP-nin sözçüsü və sədr müavininin içində olduğu avtomobil Ankarada qəzaya düşüb

Türkiyə Cümhuriyyət Xalq Partiyasının (CHP) sözçüsü Deniz Yücel və sədr müavini Murat Bakan Ankarada yol qəzası keçiriblər.

Bu barədə Oxu.Az "Haber Global"a istinadən xəbər verir.

Məlumata görə, Deniz Yücel və Murat Bakan ötən gün axşam saatlarında təyyarə ilə İzmirdən Ankaraya gəliblər və evlərinə getmək üçün Esenboğa Hava Limanından eyni avtomobillə yola düşüblər.

Onların içində olduğu avtomobilin sürücüsü əlverişsiz hava şəraiti səbəbindən Dairəvi Yolda idarəetməni itirib və maşın arakəsməyə çırpılıb.

Hadisə nəticəsində Yücel və Bakan xəsarət almayıblar.