Tovuzda anası tərəfindən tərk edilən uşaq körpələr evinə veriləcək

"Tovuzda anası tərəfindən tərk edilmiş körpə yaxın günlərdə körpələr evinə təhvil veriləcək".

Bunu Oxu.Az-a açıqlamasında "Azərbaycan Uşaqları" İctimai Birliyinin sədri Kəmalə Ağazadə deyib.

O qeyd edib ki, 1 yaş 3 aylıq körpə hazırda Qarayev xəstəxanasındadır və müalicələri davam etdirilir.

"Uşağın anası ilə bağlı məndə məlumat yoxdur. Onunla bağlı qərarı Tovuz Rayon İcra Hakimiyyəti verməlidir. Sosial Xidmətlər Agentliyi də məsələyə öz münasibətini bildirib.

Hesab edirəm ki, ananı məhkəmə qaydasında valideyn hüquqlarından məhrum etmək lazımdır. Əgər hər hansı psixi problemləri varsa, müalicəsi istiqamətində Səhiyyə Nazirliyinə müraciət edilməlidir. Ya qohumları, qohumları yoxdursa, İcra Hakimiyyətinin Komissiyası tərəfindən müalicə üçün xəstəxanaya yerləşdirilməlidir", - deyə K.Ağazadə əlavə edib.

Əzizə İsmayılova