Azərbaycan vətəndaşları Rusiyada "Shahed-136" yığmağa məcbur edilirlər

İnternetdə fəal şəkildə "Alabuqa Start" proqramının reklamları yayılır. Bu, Rusiya vətəndaşları deyil, MDB ölkələrindən olan gənclər üçün Tatarıstan Respublikasında yaradılmış yüksəktexnologiyalı istehsal ərazisində əməkdaşlıq proqramıdır. "Alabuqa" Yelabuğa Avtomobil Zavodunun bazasında yaradılmış sənaye-istehsal tipli xüsusi iqtisadi zonadır. Rəngarəng və cəlbedici sayt, karyera yüksəlişi və maraqlı iş vədləri - bunların hamısı yaxşıdır, lakin insanlar orada perspektivli qazanc ümidi ilə işə düzəlir, bu zonaya köçür və elanda deyilənlərdən tamamilə fərqli bir işə cəlb olunurlar.

Oxu.Az xəbər verir ki, bu barədə "Baku TV"nin "YouTube" kanalında paylaşılan videosüjetdə bildirilir.

"Faktiki olaraq "Alabuqa Start" proqramı adı altında xarici ölkələrin 22 yaşınadək olan gənc vətəndaşları saxta reklam yolu ilə İrana məxsus "Shahed-136" hücum pilotsuz uçuş aparatlarının (PUA) istehsalına cəlb olunurlar. Ən acınacaqlısı odur ki, belə işlərdən imtina edənlər təzyiqlərə və şantaja məruz qalırlar. Sənədlərin götürülməsi, hətta fiziki zorakılıq halları da olub. Əldə etdiyimiz məlumata görə, hazırda orada Azərbaycan vətəndaşları da saxlanılır. Yuxarıda qeyd edildiyi kimi, 22 yaşa qədər, onların arasında hətta qızlar da var", - materialda qeyd olunub.

Daha ətraflı videoda:

Azərbaycan vətəndaşları Rusiyada "Shahed-136" yığmağa məcbur edilirlər