Saray qəsəbəsində ölümlə nəticələnən qəzanı törədən SÜRÜCÜNÜN ADI MƏLUM OLDU

"Sözügedən hadisə dekabrın 4-də saat 18:00-da Saray qəsəbəsi ərazisində qeydə alınıb".

Bu məlumatı Baş Dövlət Yol Polisi İdarəsinin (BDYPİ) rəsmisi, polis polkovnik-leytenantı Mübariz Ağayev Oxu.Az-a açıqlamasında bildirib.

"Sumqayıt şəhər sakini Zaur Umudluyevin idarə etdiyi VAZ-2107 markalı, 10-UN-967 dövlət nömrə nişanlı avtomobillə yolu keçən qəsəbə sakini 1972-ci il təvəllüdlü Könül Seyidəliyeva vurulub.

Yaralı xəstəxanaya çatdırılsa da, onun həyatını xilas etmək mümkün olmayıb.

BDYPİ bir daha piyadalardan yolu keçərkən diqqətli olmağı, xüsusən də günün qaranlıq saatlarında piyadalar üçün keçidi nəzərdə tutulmayan ərazilərdən yol keçməməyi xahiş edir.

Sürücülərdən isə bütün hallarda yol hərəkətinin ən müdafiəsiz iştirakçısı olan piyadalara qarşı diqqətli olmaları tələb edilir", - deyə M.Ağayev qeyd edib.

12:06

Bu gecə Xırdalan-Saray yolunda baş verən ağır yol-nəqliyyat hadisəsində xəsarət alan şəxsin son vəziyyəti açıqlanıb.

Tibbi Ərazi Bölmələrini İdarəetmə Birliyindən (TƏBİB) Oxu.Az-ın sorğusuna cavab olaraq bildirilib ki, 4 dekabr saat 19:00-da Sumqayıt Tibb Mərkəzinin Təcili Tibbi Yardım Xəstəxanasına iki nəfər (bir kişi, bir qadın cinsli) hospitalizasiya olunub.

"Tibbi personal tərəfindən edilən bütün zəruri müdaxilələrə baxmayaraq, aqonal vəziyyət, travmatik, hemorragik şok diaqnozları təyin edilən 1972-ci il təvəllüdlü qadın cinsli şəxsin ölüm faktı qeydə alınıb.

Bud sümüyünün sınığı diaqnozu təyin edilən 1968-ci il təvəllüdlü kişi cinsli şəxs isə Reanimasiya şöbəsinə yerləşdirilib, vəziyyəti orta ağır qiymətləndirilir", - deyə məlumatda qeyd olunur.

Əzizə İsmayılova

05 dekabr, 00:18

Abşeronda yol-nəqliyyat hadisəsi baş verib, ölən və xəsarət alan var.

Oxu.Az xəbər verir ki, hadisə Xırdalan-Saray yolunda qeydə alınıb.

VAZ-2107 markalı minik avtomobili yolu keçən ər və arvadı vurub.

Yaralılar xəstəxanaya çatdırılsalar da, qadının həyatını xilas etmək mümkün olmayıb. Məlumata görə, ölən qadın 1972-ci il təvəllüdlü Könül Novruz qızı Şeydalıyevadır.

Faktla bağlı araşdırma aparılır.