Ağdamda iki nəfər mübahisə zəminində BIÇAQLANDI

Ağdamda iki nəfər bıçaqlanıb.

Oxu.Az "Report"a istinadən xəbər verir ki, hadisə rayonun Quzanlı qəsəbəsində yerləşən Ağdam Dövlət Sosial-İqtisadi Kollecinin qarşısında baş verib.

Ağdam rayon sakinləri - 2007-ci il təvəllüdlü Turan Aqşin oğlu Şirinov və 2005-ci il təvəllüdlü Yaqub Elnur oğlu Allahverdiyev mübahisə zamanı bədənin müxtəlif nahiyələrindən bıçaq xəsarətləri alıblar.

Hadisənin hansı səbəbdən baş verdiyi məlum deyil. Cinayəti törətməkdə şübhəli bilinən şəxs və ya şəxslərin saxlanılması istiqamətində əməliyyat tədbirləri davam etdirilir.

Faktla bağlı araşdırma başlanıb.