“Azərbaycanda koronavirus testləri mənfi çıxan şəxslərə SMS vasitəsilə cavabların göndərilməsi yaxın zamanda tətbiq olunacaq”.
Oxu.Az-ın məlumatına görə, bunu Nazirlər Kabineti yanında operativ qərargahın keçirdiyi mətbuat konfransında İcbari Tibbi Sığorta üzrə Dövlət Agentliyinin İdarə Heyətinin sədri Zaur Əliyev bildirib.
O qeyd edib ki, sistemdə texniki problemlər var idi və onları aradan qaldırmaq üçün yenidən təkmilləşdirilib:
“Bir ailədə bütün üzvlər testdən keçir, nəticələrin göndərilməsi üçün bir nömrə verilir. Bu nəticələr göndərilən zaman problem yaranmışdı”.
“Buna görə sistem yenidən təkmilləşdirilir və yaxın zamanda tətbiqinə başlanılacaq”, - deyə sədr əlavə edib.
İlhamə Əbülfət
