Ağır yanıq xəsarətləri olan Çinarənin anası: "Nə dərman, nə yemək ala bilirik"

11 aylıq Çinarənin yardımsevər şəxslərin dəstəyinə ehtiyacı var.

Bu barədə Oxu.Az-a onun anası Fatma Qənbərova məlumat verib.

O bildirib ki, övladı fevralın 3-də üzərinə qaynar çaydan aşıraraq ağır yanıq xəsarətləri alıb:

"Çinarə 11 aylıqdır, biz Neftçalada yaşayırıq. O, fevralın 3-də iməkləyərək elektrik çaydanının naqilini dartaraq suyu üzərinə aşırıb. Həmin gün xəstəxanaya yollansaq da, qızımın vəziyyəti ağır olduğu üçün bizi Bakıda yerləşən xəstəxanalardan birinə göndərdilər. Orada iki aya yaxın müalicə alsaq da, artıq evimizə qayıtmışıq".

Gənc ana övladının müalicəsi üçün dəstək istəyib:

"İnanın, Bakıdan geri gəlmək üçün belə borc almışdıq. Əlimizdə olan bütün pul tükənib. Ancaq qonum-qonşunun dəstəyi ilə nəsə edə bilirik. Nə yemək almağa, nə dərman almağa pulumuz qalıb. Hazırda çox ağır vəziyyətdəyik. Çinarənin yaralarını bağlamaq üçün bint, maz almalıyıq. Amma ala bilmirik. Həkimin yazdığı resept elə olduğu kimi də qalıb. Bunları almaq üçün hazırda 800 manata ehtiyacımız var. Yardımsevər şəxslərdən bizə dəstək olmalarını xahiş edirəm".

Ailə ilə əlaqə: (055) 453-34-79.

"Kapital Bank": 4169 7388 2116 1530.